Blendin ánægja á meðal þegna ESB.

Evrópusambandið verður 50 ára næstu helgi. Skv. könnun Financial Times telja fjölmargir þegnar stóru ríkjanna innan sambandsins að þeir hafi upplifað betri tíð. Í könnuninni, sem tók til þegna í Bretlandi, Frakklandi, Þýskalandi, Ítalíu og á Spáni, var spurt hvort hagur þeirra hefði batnað eða versnað með inngöngu í sambandið. Politiken greinir svo frá.

44% töldu að hagur þeirra hefði versnað á meðan einungis 25% töldu ástandið hafa batnað. Bretar voru óánægðastir með hlut sinn á meðan Spánverjar voru sambandinu þakklátastir. Þrátt fyrir þetta vildu einungis 22% segja sig frá Brussel á meðan 40% telja að ástandid myndi versna utan þess. Hvað sem veldur er ljóst að ekki verða veisluhöld á hverjum bæ næstu helgi þegar ráðamenn í Brussel klingja glösum á hálfrar aldar afmælinu.

Athugasemdir

[Haukur Nikulásson, 19.3.2007 kl. 21:22]

Ekki kemur þetta mér sérstaklega á óvart.

[Birgir Guðjónsson, 19.3.2007 kl. 21:27]

Og mér ekki heldur.

[Þorsteinn Ingimarsson (IP-tala skráð) 20.3.2007 kl. 17:50]

Auðvitað eru skiptar skoðanir um ESB sumir græða og aðrir tapa. Enn eins og þú skrifar sjálfur þá vilja einungis 22% snúa til baka. Hvað Breta áhrærir þá taka þeir ekki nema þátt í hluta af starfsemi ESB. Svo þurfa afstaða er ekki marktæk gagnvart ESB. En við Íslendingar myndum bara græða.

[Þorsteinn Ingimarsson (IP-tala skráð) 20.3.2007 kl. 19:49]

Það átti að standa þeirra afstaða í næstsíðustu línu.