Stærsti fuglinn

Í gær lenti A-380 vélin nýja frá Airbus á Los Angeles flugvelli eftir tilraunaflug frá Evrópu. Önnur vél lenti einnig í New York en hér er í fyrsta sinn líkt eftir venjubundnu farþegaflugi med hundruðir farþega um borð. Innan fárra daga er stefnt að fleiri tilraunaflugum frá Evrópu, m.a. til Hong Kong.

Nýju risavélar Airbus samsteypunnar geta borið allt að 800 farþega og verða því stærstu fuglar háloftanna (með flugfarþega) en Boeing 740 vélarnar hafa verið alls ráðandi á júmbó markaðnum í nær hálfa öld. Reyndar fóru flugvélapantanir hjá Boeing verksmiðjunum í fyrsta sinn fram úr Airbus á síðasta ári síðan árið 2000 (1044 vs. 790).

Stærstu flugfélögin vestan hafs, Delta og American Airlines, hafa fram til þessa ekki sýnt A-380 vélunum áhuga en Singapore Airlines, sem býður afgreiðslu 19 véla, mun verða fyrsta félagið í heiminum til þess að taka risavélar þessar í notkun í reglulegu flugi í október næst komandi. Búist er við að Lufthansa, Quantas og fleiri félög fylgi þeim fljótlega í kjölfarið.

Samhliða þessari frétt frá AFP kom fram að kínversk stjórnvöld hafi samþykkt áætlanir sem gera ráð fyrir að Kínverjar helli sér út í framleiðslu stórra farþegavéla. Sem sagt, enn ein varan merkt: Made in China ...