Er útsalan hafin?

Ég sagði frá því í upphafi vikunnar að sumir óttuðust að fasteignaverð myndi falla um allt að 25% á næstu árum í Danmörku. Að sögn Nyhedsavisen í dag, hefur fasteignaverð þegar lækkað um 140.000 danskar krónur að meðaltali á íbúð á tímabilinu frá 10.febrúar til 18.mars. Mest er lækkunin áberandi á Kaupmannahafnar svæðinu og í Århus á meðan verðið er jafnvel enn að hækka á mið- og sunnanverðu Jótlandi og á Bornholm. Danskir fasteignakaupendur hafa það jafn gott og fyrr en nú er nóg komið af hækkunum, þykir þeim mörgum, sérstaklega á þeim svæðum sem nú upplifa lækkanir. Þrátt fyrir þessi tíðindi segir Jens Lunde, hjá Handelsskolen i København, að hættan sé ekki yfirstaðin, enn eru blikur á lofti. Á sama tíma benda sumir fasteignasalar á að kaupendur hafi, í kjölfar lækkana, sýnt aukinn áhuga. Það á eftir að koma í ljós hvort útsalan sé í raun hafin eða hvort danski markaðurinn rétti sig af á næstunni.

Athugasemdir

[Sigurður Þórðarson, 22.3.2007 kl. 15:09]

Sæll félagi, hún er flott myndin af ykkur feðgum.                                                                  Besta kveðja Siggi

[saemi st saemunds http://home.swipnet.se/saemi/ (IP-tala skráð) 23.3.2007 kl. 08:33]

rett hja ther Siggii sambandi vid myndinna!!!! eg helt ad madur vaeri skyldugur ad lata vita hver vaeri hofundurinn ad myndinni thegar madur notar atvinnumann vid myndasmidar skora a thig oli ad upplysa lydinn um thad  Saemi