Velgengni liðsins stendur og fellur með Ólafi

Eins gott að nafni minn verði tilbúinn fyrir leikinn á morgun. Ekki svo að skilja að liðið geti ekki spilað án hans, heldur hitt að þá verða menn að treysta á að ALLT gangi upp, sem er ekki raunhæft að ætlast til. Hef verið að fylgjast með væntingum manna hér í Danmörku og markið er sett hátt. Danir hafa yfir sterkum og breiðum hópi að skipa og eru fullir sjálfstraust eftir að Boldsen meldaði sig inn í hópinn á ný. Hér tala menn jafnvel um atlögu að gullinu. Danir virðast hafa nógu marga góða leikmenn til að dreifa álaginu á lykilmenn og því séu þeir færir um að klára jafn erfitt mót og Evrópumótið.

Manni virðist sem all mörg lið geti gert tilkall til titilsins og útlit fyrir jafna keppni. Líkt og Danir virðast Norðmenn fullir eftirvæntingar enda hefur þeim gengið afar vel í aðdraganda mótsins. En menn fá víst ekki verðlaun fyrir slíkt þegar í alvöruna er komið. Væntingar heima á Íslandi þekki ég ekki, en vonandi setja menn markið á átta liða úrslitin. Nokkuð langt virðist í næstu kynslóð afburða handboltamanna og allt að því síðustu forvöð fyrir suma að ná langt á stórmóti með landsliðinu. En sem sagt, leggjum Svía að velli á morgun!

Ólafur tók ekki þátt á æfingu Íslands