Rússar rassskelltir af Norðmönnum - Ege með stórleik!

Ótrúlega gott hjá Norðmönnum. Sá stóran hluta leiksins og hreifst með áhorfendum að leik norska liðsins og ekki síst markvörslu Ege sem jafnast á við það besta sem sést hefur. Maðurinn var með tæplega 60% vörslu skráða og lék sér að rússneska birninum. Rússar voru sem lauf í stormviðri og sáu ekki til sólar. Maður óttast jafnvel að Norðmenn nái langt í keppninni ...

Á eftir ætla ég að sjá Dani kljást við Montenegro og geri ég ráð fyrir að Danir fari með sigur af hólmi. Eiginlega ekki hægt að ætlast til annars eftir útreið Rússa á móti Norðmönnum. En alvaran tekur aftur við á morgun í leiknum á móti Slóvökum sem strákarnir ætla að vinna, með eða án Ólafs!

Stórsigur Norðmanna gegn Rússum

Athugasemdir

[Torfi Stefánsson (IP-tala skráð) 18.1.2008 kl. 19:19]

Það verður án Ólafs en það var tilkynnt nú í fréttum í kvöld. Hann missir amk af tveimur næstu leikjum.

Þá er hætt við að það verði ekki fleiri leikir en þessir tveir fyrir liðið ...

[Ólafur Als, 18.1.2008 kl. 19:35]

Gott og vel - án Ólafs. Sjáum til hver dugur er í mönnum. Hver veit nema Þeir komi sjálfum sér á óvart?

[Ólafur Einar (IP-tala skráð) 18.1.2008 kl. 20:00]

Við skulum rétt vona á strákarnir okkar rétti úr kútnum í næsta leik eftir að hafa verið landi og þjóð til skammar í sínum fyrsta leik á Evrópumótinu.

[valdimar (IP-tala skráð) 19.1.2008 kl. 00:14]

Viðurkennum að við erum einungis meðalmenn í þessari lítt þekktu íþrótt. hvenær höfum við getað eitthvað í boltaíþróttum. (Sigur í einni B-keppni).