Óhress með leik sinna manna, þrátt fyrir sigur!

Danir rúlluðu yfir andstæðinga sína í fyrri hálfleik og hefðu allt eins getað leitt með meiri mun. Flest gekk upp, sérstaklega var varnarleikurinn góður, sem skapaði fjölda hraðaupphlaupa og Hvidt varði sem berserkur. Í síðari hálfleik tók við nokkuð vandræðaleg sókn en góð markvarsla af hálfu markmannsins frá F.C. Barselona hélt áfram og endaði hann með yfir 40% vörslu skráða. Hvað sem segja má um þennan annars þægilega sigur Dana hafa þeir ekki alveg náð að láta ljós sitt skína og leikmenn á borð við Knudsen hafa valdið vonbrigðum.

Mér þótti eftirtektarvert, að eftir leikinn var þjálfari Dana, Ulrik Wilbek, hundóánægður með leik sinna manna og gaf lítið fyrir sóknarleikinn. Hann lýsti áhyggjum sínum yfir framhaldinu og sagðist skyldu fara vandlega yfir leik liðsins á morgun, þegar Danir ættu frídag. Ekki alveg eftir bókinni hjá manninum í ljósi sigurs og athyglivert að hann kjósi að stappa stáli í sína menn með þessum hætti.

Öruggur danskur sigur

Athugasemdir

[Þorsteinn Ingimarsson (IP-tala skráð) 19.1.2008 kl. 00:57]

Hey, á þessari blogsíðu eru orðnir fleirri fréttatengd blog en hjá sjálfum konungi frettatenglablogara  mbl.is  Stefáni Fr.  Er einhver vinsældakosning í gangi?

kveðjur

[Ólafur Als, 19.1.2008 kl. 08:23]

Hey, hey, hey og hey í harðindum - ef maður vill láta heyra í sér verður að hafa hátt ... nei, mig langaði að segja nokkuð frá handboltanum ef vera skyldi að menn sæju ekki annað en Ísland spila heima á klakanum - í dag er mál málanna að leggja Slóvaka, ellegar er keppnin yfirstaðin!

Baráttukveðja,

[Þorsteinn Ingimarsson (IP-tala skráð) 19.1.2008 kl. 10:00]

Flottur ......  ætti að vera léttur leikur í dag ...áfram  (EB)Ísland.  

[Torfi Kristján Stefánsson, 19.1.2008 kl. 12:04]

Mér skilst að Wilbek hafi rifist við Kasper Hvidt undir lok leiksins, vegna þess að Hvidt fór ekki eftir fyrirmælum hans um að fara útaf í síðustu sókninni og setja í staðinn útileikmann inn á.

Tekið skal fram að Danir voru þá 9 mörkum yfir!!

Wilbek var og mjög skrautlegur þegar hann þjálfaði danska kvennalandsliðið og gerði það að besta landsliði í heimi. Kannski á hann betur skap við dömurnar en drengina, en hann og skaphundurinn Anje Anderssen (svo skrifað?) voru og eru mjög líkir karakterar!

[Ólafur Als, 19.1.2008 kl. 14:00]

Reyndar skrifað Anja Andersen - hún er nú á köflum gersamlega óþolandi - en á sínum tíma besti leikmaður heims í kvennaboltanum. Wilbek er og skaphundur þó ég setji hann ekki í sama flokk og Andersen.