Hve mörg mörk á að gefa Ungverjum í forskot?

Ekki skal nokkurn undra að hvíla skuli Einar eins og frammistaðan hefur verið hjá honum. Hann hefur skorað 5 mörk úr 24 skottilraunum og er með nær verstu skotnýtingu allra leikmanna mótsins. Hverju veldur er erfitt að segja en hann hefur ekki virst falla vel inn í leik liðsins. Reyndar ætti að hvíla marga fleiri og greinilegt að Alfreð hefur gert mistök að treysta á Snorra í stöðu leikstjórnanda. Sé horft til slakrar frammistöðu Snorra hjá GOG í vetur hefði Ragnar mátt vera inni í myndinni einnig.

Á heimasíðu mótsins er að finna klausu sem mér finnst tilvalið að skella fram hér (veit reyndar ekki hvaðan skríbentar mótsins hafa að við séum víkingar en þeir um þá vitleysu); geng út frá að menn skilji ensku:

Iceland, on the other hand, have only pride to play for now, without points in the group and two matches remaining. In spite of a heavy defeat against Germany yesterday, the Vikings showed considerable improvement and could tease the Hungarians tonight if they start the game forcefully, something missing in their matches so far, except for their only win, against Slovakia. Captain Ólafur Stefánsson showed his class yesterday. As did Gudjón Valur Sigurdsson, but others will have to start pulling their weight for the team to start winning.

Ég hefði reyndar einnig viljað bæta við að Alexander stóð sig sæmilega. Leikurinn á móti Ungverjum vinnst vitanlega ekki nema menn mæti til leiks reiðubúnir að berjast fyrir tilverurétti sínum. Í þremur leikjum hefur íslenska liðið ekki áttað sig á að leikurinn var byrjaður fyrr en langt var liðið á fyrri hálfleik eða hann jafnvel hálfnaður. Slugs af þessu tagi er algerlega óskiljanlegt og alveg óþolandi að maður heyri erlenda þuli vorkenna liðinu - leikmönnum sem hafa tekið þátt í fjölda stórmóta og reyndar stutt síðan þeir voru að berjast um efri sæti. Á meðan öðrum liðum hefur farið fram eða þau staðið í stað hefur átt sér umbreyting á íslenska liðinu til hins verra. Hverju veldur?

Sverre inn í hópinn fyrir Einar

Athugasemdir

[Bjarki (IP-tala skráð) 23.1.2008 kl. 14:24]

Já, að mínu mati eru fæstir leikmanna ísl. liðsins að leika á landsliðsklassa.  Mér persónulega finnst Alexander hafa staðið sig langbest í hópnum.  Traustur, jafn, skilar sínu ... alltaf.  Ekki bara stundum eins og loðir við ísl. leikmennina.  Spurning hvort hann ætti ekki að vera í vinstri skyttunni.

Sammála með Snorra.  Engan vegin að skila leikstjórnarhlutverkinu.  Þarf miklu sterkari leikmann í það hlutverk og að mínu mati hefur þessi staða verið vandamál að undanförnu hjá ísl.  Leikstjórnandinn þarf ekki aðeins að stjórna sókninni og sjá til að boltinn fljóti og hreifing sé á genginu...hann þarf líka að vera sí ógnandi að marki, það þarf alltaf að vera hætta á að ef honum er gefið mikið pláss þá endi það með marki.  Þennan þátt finnst mér yfirleitt vanta hjá ísl. og í rauninni eru ekki margir sem manni dettur í hug sem fyllt gætu uppí  þessa stöðu svo vel væri.

[Ólafur Als, 23.1.2008 kl. 16:00]

já, og svo á leikstjórnandi að vera foringi á vellinum!