Taugarnar þandar til hins ítrasta

Fyrri hálfleikur var fremur jafn, en Svíar alla jafna feti framar. Þeir skoruðu tvö síðustu mörk hálfleiksins og leiddu 15:13. Í upphafi síðari hálfleik sigldu Svíar fram úr Norðmönnum, sem skoruðu einungis eitt mark fyrstu tíu mínúturnar. Skömmu síðar voru Svíar komnir með sjö marka forystu, 21:14, og virtust hafa leikinn í hendi sér. Þá tók við slakur kafli af hálfu Svía, þar sem þeir gerðu fjölmörg mistök, og Norðmenn gengu á lagið. Á þessum tæpum fimmtán mínútum tók norska vörnin við sér en jafnframt afar óvenjulegt að sjá svo langan slakan kafla hjá Svíum, sem hafa verið stabílir í leik sínum allt mótið. Norðmenn hélda áfram að pressa Svíana og náðu að jafna leikinn 26:26. Undir lokin fengu bæði lið nokkur tækifæri til þess að gera út um leikinn en taugaveiklun gætti í sóknarleik beggja liða, hvorugir náðu að skora fleiri mörk og jafntefli í venjulegum leiktíma staðreynd.

Taugatitrings gætt áfram í leik beggja liða í framlengingunni. Tvö mörk skoruð af beggja hálfu í hvorum fimm mínútna hálfleik og enn framlengt, staðan 30:30. Taugar leikmanna beggja liða áfram þandar og sigurinn virtist geta lent hvoru megin sem var.

Í seinni framlengingu komust Svíar tveimur mörkum yfir og á brattann að sækja fyrir Norðmenn. Þegar tæp ein mínúta var eftir minnka Norðmenn muninn í eitt mark, 34:35 og allt gat gerst. Svíar í sókn og leikurinn í þeirra höndum. Er tíu sekúndur eru eftir virtist Anderson taka of mörg skref, Norðmenn væntu þess að dómararnir dæmdu sóknarbrot en í staðinn opnaðist vörnin, Anderson gaf inn á línuna og mark!. Dómararnir, sem höfðu verið Norðmönnum lítillega hagstæðir í venjulegum leiktíma, hefðu getað dæmt sóknarbrot , að manni fannst, en gerðu ekki og Norðmenn létu leiktímann renna út, enn eitt tapið gegn Svíum staðreynd, 34:36.

Svíar fögnuðu vel, búnir að tryggja sér beina leið á heimsmeistarakeppnina á næsta ári og forkeppni fyrir Ólympíuleikana með Íslandi, Póllandi og Argentínu í riðli, þar sem tvö lið berjast um sæti. Norðmanna bíður slagur heima og heiman fyrir heimsmeistaramót og forkeppni í svakalegum riðli með Dönum, Spánverjum og Túnisbúum.

Svíar mótherjar Íslands í forkeppni ÓL