Hver er hagurinn af tvöföldun Reykjanesbrautar?

Hér er væntanlega um góðar fréttir að ræða fyrir þá fjölmörgu sem um Reykjanesbrautina fara. Nú ætti að sjá fyrir endann á framkvæmdum við tvöföldun vegarins. Áhugavert væri ef fjölmiðlar tækju saman reynslu síðustu ára og bæru saman við árin þar á undan og gæfu tvöföldun vegarins einhvers konar einkunn. Hefur dauðaslysum fækkað, hvað með alvarlegum slysum o.s.frv? Einnig mætti skoða umferðarhraðann, ánægju íbúa suður með sjó og þeirra sem um veginn fara og bera allt saman við kostnaðinn af framkvæmdunum. Hér er gott tækifæri til góðrar blaðamennsku í stað þess að bíða þurrar skýrslu frá Vegagerðinni eða upptalningar frá tryggingafélögunum.

Eykt lýkur við brúarsmíði

Athugasemdir

[Rafn Steingrímsson (IP-tala skráð) 1.3.2008 kl. 14:08]

Ef ég man rétt voru u.þ.b. sex dauðaslys á ári á Reykjanesbrautinni þegar hún var aðeins einföld, en síðan að fyrsti kafli tvöföldunarinnar komst í gagnið þá hefur ekkert dauðaslys orðið.

[Ólafur Als, 1.3.2008 kl. 16:16]

Ég heyrði eitthvað svipað en að sama skapi að alvaregum slysum hefði fjölgað ...

[HG (IP-tala skráð) 1.3.2008 kl. 17:45]

Fjöldi látinna skv. slysakortum í skýrslum frá rannsóknarnefnd umferðarslysa: 

1998:  0  1999:  0  2000:  4  2001:  1  2002:  0  2003:  5  2004:  1  2005: 0  2006:  0 

[Ólafur Als, 1.3.2008 kl. 17:53]

Já, maður man eftir dauðsföllunum frá 2003-4 ... en varð nokkur dauðaslys í fyrra?

[Vigfús (IP-tala skráð) 1.3.2008 kl. 19:00]

Þetta banaslys varð á Reykjanesbraut 2006. Held að það hafi ekki orðið banaslys í 2007.

http://www.ruv.is/heim/frettir/stort/frett/store64/item94813/

[Vigfús (IP-tala skráð) 1.3.2008 kl. 19:04]

Það á líka eftir að tvöfalda kaflann frá Hafnarfirði vestur fyrir Ísal. Það er eins og menn hafi alveg gleymt honum.

[HG (IP-tala skráð) 1.3.2008 kl. 19:25]

Þetta slys var á Reykjanesbraut milli Hfj og Rvk (í Molduhrauni).  Tölurnar að ofan eru miðaðar við milli Hfj og Keflavíkur.  Hvað varðar að alvarlegum slysum hefði fjölgað þá kæmi mér það á óvart, hef þó ekki skoðað tölfræðina um það.  Almennt þá hefur breyting úr 1+1 í 2+1 eða 2+2 í för með sér mikla fækkun banaslysa og alvarlegra slysa (getið m.a. fundið skýrslu um þetta á heimasíðu Vegagerðarinnar).  Hinsvegar getur verið að vinnan við tvöföldunina á restinni af veginum hafi neikvæð áhrif á öryggið tímabundið. 

[Vigfús (IP-tala skráð) 1.3.2008 kl. 19:51]

Já það er rétt en þessu banaslysi er alltaf sleppt í allri umræðu þótt þetta sé hluti af Reykjanesbrautinni. Fólk virðist vilja halda í núllið.

[Ólafur Als, 1.3.2008 kl. 20:20]

Já, er ekki ástæða til að líta betur á málið í heild sinni og fá allar staðreyndir fram ...