Blóðsúthellingarnar halda áfram að fullu

Það liggur við að maður óski þess að vítisvélar Ísraela væru ekki jafn áhrifaríkar. Eftir sex áratugi í hernaði við nágranna sína er ísraelski herinn orðinn einn sá öflugasti í heimi. Stærð hans og máttur felur í sér tvennt: Annars vegar að fæla óvinveitt ríki frá að ráðast á sig og hins vegar að varðveita öryggi. Gegn þessu máttuga hernaðarveldi eru herskáir Palestínumenn á borð við Hamasliða, Islamic Jihad, Al Aqsa sveitir og fleiri, allir með það að markmiði að eyða Ísraelsríki og skirrast ekki við að nota börnin sín til sjálfsmorðsárása.

Í sex áratugi hafa Ísraelar staðið í stríði við nágranna sína og óvinveitta íbúa innan landamæra sinna. Sem fyrr eru helstu fórnarlömb átakanna nú óbreyttir borgarar, ásamt með vígamönnum Palestínumanna. Þeir hafa það gjarnan fyrir sið að nota mannlega skildi og hika ekki við að skjóta eldflaugum sínum af skólalóðum og svæðum sem óbreyttir borgarar t.d. börn, nota dags daglega. Gagnvart þessari ógn stendur hin volduga stríðsmaskína Ísraelsmanna, reiðubúin til mannskæðra árasa og hikar ekki við að reiða til höggs.

Ekki skal efast um að skotmörk Ísraelshers eru herskáir Palestínumenn en báðir aðilar vita sem er að saklaus líf munu falla á vígvellinum. Tilgangurinn með árásum Ísraelsmanna er þekktur, þó svo að menn efist um nauðsyn þess að bregðast svo hart við en maður spyr sig hver tilgangurinn sé með eldflaugaárásum frá Gaza yfir á byggðir Gyðinga. Þær virðast ekki hafa annan tilgang en að kalla fram viðbrögð hins herskáa nágranna og koma að endingu í veg fyrir að deiluaðilar nálgist hvora aðra í viðleitni til þess að tryggja frið og stofnun lífvænlegs ríkis Palestínumanna.

Harðir bardagar á Gaza

Athugasemdir

[Ásgrímur Hartmannsson, 1.3.2008 kl. 18:34]

Mér sýnist þessar græjur þeirra bara ekkert áhrifaríkar.  Fælingarmátturinn er amk eitthvað lítill.

Hugsaðu þér bara ð þú værir óttalegur þrjótur, sendur til að ráðast á Breiðholt og þá sem þar búa.  Þú fengir 4 skriðdreka og 1000 manna her.  Jafnvel þótt .þú vissir ekkert hvað þú værir að gera þá tækist þér samt að valda meiri hörmungum en þessir Ísraelar.

[Ólafur Als, 1.3.2008 kl. 18:51]

Einhverra hluta vegna ná Ísraelar ávallt að fella fjölda herskárra Palestínumanna. Hugarfar og réttlætingar blóðsúthellinganna eru af slíku tagi sem við skiljum illa á Íslandi í jafn öruggri fjarlægð frá stríðsátökum í tíma og rúmi og við erum. Fæling er væntanlega einungis lítill hluti, hefnd spilar rullu og margt fleira. Alls herjar hörmungar eru, þrátt fyrir allt, ekki á stefnuskrá Ísraelshers. Nóg er um blóðbaðið samt.

[Ólafur Als, 1.3.2008 kl. 19:22]

Nei, ætla maður gleymi því - fremur en viðleitni þinni, Kristinn, til þess að breiða fjöður yfir hugmyndafræði hatursaflanna á meðal Palestínumanna - sem fagna á köflum þegar píslarvottunum fjölgar. Stríð er eðli málsins samkvæmt viðbjóður sem við lesum einungis um í fjölmiðlum. Maður spyr sig, hvað er til ráða? Og fátt er um svör.

[Ásgrímur Hartmannsson, 1.3.2008 kl. 22:01]

Það er ekkert til ráða.  Hættu að stressa þig á þessu.  Við höfum öll nærtækari vandamál.

[Björn Heiðdal, 1.3.2008 kl. 22:01]

Það er nokkuð ljóst að tilgangurinn með þessum árásum hjá öllum aðilum er ekki að stuðla að friði.  Kannski óbreytt ástand eða eitthvað miklu verra.

[Ólafur Als, 1.3.2008 kl. 22:09]

Og þá vitum við það ...

[Þorsteinn Ingimarsson (IP-tala skráð) 1.3.2008 kl. 22:42]

æji þessir gyðingar, feginn er ég að enginn býr nálægt mér.

[Ólafur Als, 2.3.2008 kl. 03:54]

Sæll Steini, og takk fyrir síðast. Getur verið að örli á eilitlum kynþáttafordómum? Vonandi ekki, en á að gera sér ferð til "fyrirheitna" landsins hér ... páskarnir hljóma vel, ekki satt? Hvað Gyðinga varðar, þá verð ég að segja að kynni mín af þeim hafa ekki verið á þá lund að mér þyki þeir sérlega skemmtilegir. Sem dæmi, var ég í skóla með Gyðingi og Palestínuaraba á sínum tima og voru þeir hvorugir sérlega forvitnilegir ... en það má eflaust segja um mörg okkar, ekki satt?

[Þorsteinn Ingimarsson (IP-tala skráð) 2.3.2008 kl. 04:27]

Sæll Óli , takk fyrir síðast sömuleiðis, við lögðum af stað út úr húsi uppúr hálfþrjú þarna um kvöldið svo ég reiknaði með að þú værir farinn að lúlla.  Það er gæti verið gaman að fara til ESB landsins um páskanna og vel athugandi, það hefði að vísu verið betra ef páskarnir hefðu ekki verið svona snemma í ár en reynum að redda því.

Varðandi gyðinganna þá hugnazt mér þeir lítt, bezt væri að þeim væri fundinn staður neðanjarðar á suðurpólnum. En bezt að vera ekki að tjá sig mikið um það svona á netinu. Það er ákveðinn copy/paste lögfræðingur sem fer hamförum á netinu núna í leit að ummælum sem hægt væri að fara með fyrir dóm.

[Steinn E. Sigurðarson, 2.3.2008 kl. 12:54]

Það er engum greiði gerður með því að leggja baráttumönnum sjálfstæðis Palestínu orð Kóransins í munn. Það sem hér er á ferðinni er frelsisbarátta, ekki heilagt stríð. Það er hrein tilviljun að um mismunandi trúarbrögð er að ræða, en eins og allir ættu að vita þá eru til sambærilegar aðstæður milli hópa innan sömu trúar, til dæmis milli sjía og súnníta múslíma í Írak, og á milli Tyrkja og Kúrda í Tyrklandi, en þeir eru flestir súnnítar.

Eins ég sagði á blogginu mínu þá mun sagan dæma þessar gjörðir, en persónulega er ég kominn með æluna uppí kok af júdeó-kristnum áróðri þeim sem sérstaklega bandarískir fréttamiðlar spýja upp, hvort sem það varðar Ísrael, Íraksstríðið eða nokkuð annað. 

[Ólafur Als, 2.3.2008 kl. 14:12]

Steinn:

Tilviljun? Að Gyðingar og Arabar berjist? Bíddu, hver er tilviljunin í dæminu?

Hvað sem nafngiftum líður er ljóst að "frelsisstríð" er hægt að heyja með margvíslegum hætti en í mínum huga eru baráttuaðferðir herskárra Palestínumanna hryðjuverk. Hvað á að segja um fólk sem elur börnin sín til sjálfsmorðsárása? Að frelsi þeirra sé ógnað? Að "frelsisstríðið" réttlæti slíkar aðferðir? Hamas, Al-Aqsa, Islamic Jihad o.fl. vita sem er að ofbeldið viðheldur ófriðnum og blóðbaði saklausra borgara - þeir óttast einungis eitt: friðarumleitanir sem staðfesta á meðal Araba og muslimaþjóða tilvist Ísrael.

Hefur þú eitthvað annað til málanna að leggja, Steinn, en segja frá andúð þinni á áróðri kristinna í gegnum bandarískt sjónvarp? Ekki svo að skilja að ég sé sammála þér þar - en vissulega geta fréttir úr þeim ranni verið litaðar. Málið er jú að þér líkar ekki litur þeirra en tekur væntanlega fagnandi ef aðrir miðla fréttum sem eru þér að skapi, ekki satt?

Hvernig væri nú að viðra hugmyndir um hvernig sjá mætti fyrir endann á hörmungunum?

Skúli:

Takk fyrir innlitið - ég lít öðru hvoru á skrif þín en hef ekki enn gefið mér tíma til þess að stúdera þau til hlítar. Ég var ekki alveg viss hvort þú værir að sammælast mér eða ekki. Qassam flaugarnar voru nú fleiri en þú nefnir á þessu tímabili og að auki hafa öflugri eldflaugar verið notaðar, sem heita Katyusha. Qassam flaugunum er og skipt upp í flokka, mest eftir flugdrægni, og eru frekar einkennd með nöfnum á borð við Quds og Nasser.

[Ólafur Als, 2.3.2008 kl. 14:40]

Viðhorf Islam til málamiðlana kannast maður við, enda eins og þú segir boðar Kóraninn að semja skuli vopnahlé við "óvininn" (allir sem ekki eru muslimar) ef sigur er ekki framundan - og safna kröftum til næstu orrustu. Aldrei frið. Þess vegna var nú t.d. Saddat drepinn á sínum tíma af herskáum Islamistum, eftir að hann hafði skrifað undir friðarsamninga við Ísrael.

Að öðru leyti þakka ég þér, Skúli, fyrir fróðlegt inngrip þitt hér.

[Katala (IP-tala skráð) 4.3.2008 kl. 00:27]

Voðalega finnst mér þetta þunn og einhliða umræða, ég ætla að gera nokkrar athugasemdir.

Ég vil benda á að Hamaz er ekki "hryðjuverka-hópur" heldur stjórnmála-afl, og þeir fara fram á að Palestínu verði skipt aftur á sama hátt og 1947, þeir eru ekki einu sinni að fara fram á að Ísraelum verði útrýmt úr áður Palestinu, heldur vilja að þeir láti sér duga það sem þeir fengu í upphafi, skili aftur herteknum landshlutum og  landtökubyggðum sem þeir hafa lagt undir sig síðan.  Þar af leiðandi neita þeir að viðurkenna tilvist Ísraelsríkis í núverandi mynd.  Þeir eiga að sjálfsögðu meirhluta stuðning allra þeirra sem vilja að Palestina verði aftur eitt samfellt ríki, en ekki tveir aðskilnir landhlutar (eða risa flóttamannabúðir) í eigin landi.  

Þeim sem vilja kynna sér málið á sjálfstæðan hátt bendi ég á eftirfarandi síður. Algjör óþarfi að láta mata sig á einum eða öðrum "lit" hvort sem er ammerískur eða íslenskur, bara á einfaldan málefnalegan hátt.

Kort af upphaflegu ríki Ísraels og Palestínu frá 1947

http://www.palestina.is/upplysingar/kort/1947.gif

Kort af landtöku byggðum ísraela á Vestubakkanum,

(þarf að stækka aðeins með að klikka á það)

http://www.palestina.is/upplysingar/kort/Landnemabyggdir.gif

Almennar upplýsingar um sögu Palestinu síðustu óldina

http://en.wikipedia.org/wiki/State_of_Palestine

Upplýsingasíða félagsins 'island/palestina

http://www.palestina.is/upplysingar/index.htm

Hvað orðið "Jihad" á arabísku þýðir þá finnst mér orðið "barátta" lýsa því best á íslensku, vegna þess að orðið getur átt við persónulega baráttu hvers og eins við að ná tökum á sjálfum sér, alveg eins og það getur þýtt baráttu fyrir þjóð, en þeir sem ætla að fara að þýða Kóraninn hér á vefnum ættu kannski að lesa hann aðeins betur, þar sem orðið jihad í tengslum við stríð er aðeins lýst á einn hátt, sem er að mujahedin hefur rétt til að verja land sitt og þjóð, fjölskyldu sína og sjálfan sig með að drepa aðra manneskju eingöngu, sé ráðist á hann að fyrra bragði. Ætla ég mér samt ekki að taka ábyrgð á því að þetta sé alltaf í heiðri haft, en rétt skal vera rétt.

Hvað Intifada, frelsis-stríð eða frelsis-baráttu varðar finnst mér fáránlegt og útursnúningur að reyna að hártoga það á einn hátt eða annan, og á orðið jihad einmitt rétt við þegar talað er um þjóð  (Palestínumenn)sem búið er af annarri þjóð, (Israelsmenn) að hertaka u.þ.b. 80% af landi þeirra. 

Þar af leiðandi er ég ekki sammála því að Palestínu menn séu hryðjuverkamenn sama hvað stjórnmála aftli þeir tilheyra. Þeir eru einfaldlega þjóð í stríði um land sitt og rétt til sama lands.  Hvað bardaga-aðferðum þeir beita er sjálfsagt efni í aðra umræðu, en ég get ekki séð að það sé neitt betri,verri,meiri eða minni hermaður sem sprengi sig í loft upp, heldur en sá sem situr í sprenguflugvél af fullkomnustu gerð og ýtir á takka, og sprengir bara aðra en sjálfan sig.  Stríð er og verður stríð og ekkert er til að fegra það.

[Ólafur Als, 4.3.2008 kl. 06:43]

Jihad = m.a. útþensla

Herskáir Hamas = eyða Ísrael

Palestína hefur aldrei verið ríki

Sumir Palestínumenn eru hryðjuverkamenn og bardagaaðferðir þeirra eru til umræðu hér