Gott gengi í Meistaradeildinni

Eftir slakan fyrri hálfleik, þar sem ungverska liðið leiddi 11:14, tók GOG sig saman í andlitinu í síðari hálfleik og sigraði með þriggja marka mun, 28:25. Leikurinn var annars köflóttur og fullur mistaka en það sem stóð upp úr var markvarslan hjá GOG. Aðalmarkvörðurinn gat ekki spilað og í staðinn kom inn á ungur leikmaður sem stóð sig eins og hetja. Vörnin var annars með ágætum, sem skapaði GOG all nokkur hraðaupphlaup. Snorri átti sæmilegan leik og gerði 4 mörk í 9 skottilraunum en var með all nokkra feila, líkt og Ásgeir, sem ekki átti góðan dag í sókninni en stóð sig vel í vörn. Ekki geta GOG búist við sigri á móti Barcelona næstu helgi en miði er jú möguleiki. Ef sigur næðist yrði það í annað sinn sem danskt lið næði í undanúrslit Meistaradeildarinnar en Kolding hefur áður náð þeim áfanga.

Snorri með 4 mörk í sigurleik GOG í Meistaradeildinni