Í fáum endurteknum orðum ...

Ég lít svo á að berjast skuli gegn hryðjuverkum herskárra Hamas liða, Islamic-Jihad og Al-Aqsa sveita með öllum ráðum og ég tel Ísraelsríki hafi rétt til þess að verja hendur sínar, eins og öll önnur ríki, þrátt fyrir að staða þeirra er mun sterkari en herskárra Palestínumanna.

Ég trúi á vilja flestra Ísraela til þess að koma á friði en þykist vita að Palestínumenn á Gaza og víðar deili ekki þeim friðaráhuga að sama skapi. Hatursöflin, sem ég nefni svo, skirrast ekki við að senda börnin sín í sjálfsmorðsárásir til þess að sprengja önnur börn í loft upp. Þetta eitt dugar mér til þess að fordæma hryðjuverk Palestínumanna.

Ekki verður séð hvaða tilgangi eldflaugaárásir frá Gaza hafa, annan en að vekja hinn stóra stríðsþurs frá Ísrael til gagnaðgerða og hindra framgang friðarferilsins. Árásunum fjölgar í hvert sinn sem umræðum er hrint í framkvæmd. Á meðan nota herskáir Palestínumenn landa sína, s.s. börn, sem mannlega skildi.

Ég óska þess að Palestínumenn geti um síðir stofnað sjálfstætt og lífvænlegt ríki, sem getur er fram líða stundir átt friðvænleg samskipti við Ísraela, líkt og Egyptar og Jórdanar gera að mestu í dag. Til þess að svo megi verða er óhjákvæmilegt að hryðjuverkamenn Palestínumanna leggi niður vopn.

Mikil spenna í Jerúsalem

Athugasemdir

[Magnús L. (IP-tala skráð) 7.3.2008 kl. 15:01]

Hej tjockis! ;-)

Frábært Óli hvernig eina fréttaveita þín sem þú vitnar til og gluggi að umheiminum er gamla góða Pravda. Ertu á launum að jórtra þessar fréttir, endurtyggjandi í bloggi miðilsins sem frumbirtir? Færðu kannski borgað í dálksentimetrum eins og þinn gamli bridgefélagi í denn, þ.e. í þá daga þegar að e-ð heyrðist frá honum og hann þorði að opna munninn!! Seint muntu ganga af barnatrúnni Óli karlinn en hvurnig væri nú að prófa að lesa blað eins og Information (það er kannski ekki til lengur) eða Dimmalæting...bara svona til hátíðabrigða, ha?

PS. KR sýgur feitt! ;-)  haha... 

Pölsemanden 

[Ólafur Als, 7.3.2008 kl. 15:31]

Tjockis? Ekki svona karlinn minn! Maður á ekki að gera grín að feitum (haha). Hvaða bridgefélaga ertu annars að víkja að?

Maður reynir hvað maður getur að halda í barnatrúna en ekki fæ ég nú greitt fyrir herlegheitin.

Ertu ekki með önnur viðurnefni á takteinum en pølsemanden? Man ekki eftir því.

[Ekki Magnús L. (IP-tala skráð) 7.3.2008 kl. 16:04]

Mýmörg, man bara ekki eftir neinu í svipinn 

 ...en þú mátt velja hvort þú ætlar að vera, í baunalandi sem þú ert; Hallgrímur (hrein snilld að láta Hasse Alfredsson leika pabba hans í þáttunum og láta hann vera Eyja-peyja í ofanálag) eða Erlendur. Gangi þér allt í haginn með rannsóknina, er þegar búinn að gefa þér of margar vísbendingar. 

Til hvorra hefurðu annars meiri taugar ; HV eða Södra!!!?

Hef aldrei strokað út Magnús L. !  

[Ólafur Als, 7.3.2008 kl. 16:44]

- þú hoppar á milli Dana- og Svíaveldis, dönsku og sænsku ... veit ekki enn hver bridgespilarinn er

[Klinsmann (IP-tala skráð) 7.3.2008 kl. 22:03]

Nei ætli hann flokkist nokkuð sem slíkur, þegar að það rifjast upp fyrir mér þá var hann bara kvaddur að borðinu enda staddur þarna á heimilinu þegar að talið barst að honum. Þú kallaðir á hann skilst mér...en ætli við látum þig ekki bara klóra þér áfram í þeim gráu; hárunum og sellunum...um hríð...enn hefur þig samt ekki hrakið af leið.

Var að koma úr sparksprikli á Fieldturf útivelli bæjarins, sæll og glaður, en mátulega hress til skrifta svo við tökum upp þáðinn síðar kall. Var bara kominn með fráhvarfseinkenni af handboltasúmmeringunni, því þessi stríðni í dag.

Ha det godt Hr. Als. 

PS. Hverjir eru aftur fulltrúar norðursins í EM í sumar!!!? 

[Ólafur Als, 7.3.2008 kl. 23:17]

Ekki segja mér að maður á þínum aldri fáist við sprikl á gervigrasi ... og hvenær varst þú liðtækur í bridge, með leyfi að spyrja?

Hve langan tíma tekur það annars fyrir fyrir Íslending að gleðjast yfir árangri gulra og blárra? Kannast reyndar við einn sem hefur búið í Gautaborg frá árinu 1980 og er orðinn meira en lítið svískur - hann heldur með IFK Gautaborg en mitt uppáhaldslið frá uppeldinu er og verður Djurgården; nafnið hljómaði vel í eyrum lítils drengs. Heillaðist á sama tíma af KR, þökk sé mömmu.

Kveðja,