Á enn eftir að versna ... áður en það batnar?

Hér í Danmörku eru almenn verð á 95 oktana bensíni um 10,5 DKR. Prísarnir varíera eilítið eftir því hvenær dags er keypt og eftir svæðum en þetta eru verðin sem flest fyrirtækin gefa upp á vefsíðum sínum í dag. Miðað við gengi íslensku krónunnar er það um og yfir 170 IKR. Verðið er svipað í Þýskalandi og Svíþjóð en mun hærra í Noregi, sem næst 190 IKR. Ætli landinn myndi ekki segja eitthvað við þeim verðum. En spurningin er vitanlega að hve miklu leyti gengisfallið er komið inn í verðútreikninga olíufélaganna heima - hvað hafa menn um það að segja?

Ég heyrði sérfræðing segja á CNN að eldsneytisverð myndi lækka innan tíðar en hann bætti jafnframt við að óvissa ríkti um framtíðarhorfur (!). Staða efnahagsins í BNA vísaði til minni eftirspurnar en vöxtur væri enn í löndum á borð við Kína og Indlandi, sem ein og sér myndu vega það upp og gott betur. OPEC gæti og tekið upp á því að minnka framleiðslu sína í sumar, til þess að halda uppi verði. Samt sem áður sá þessi sérfræðingur fyrir sér að með sumrinu og næsta haust gæti olíuverð lækkað, og það all nokkuð. Svo er að sjá hvað verður um dollarinn.

N1 hækkar verð á bensíni og díselolíu