Sérkennilegar óskir fjármálaspekúlants í London

Maðurinn er til og sjóðurinn er til. Hann lét hafa eftir sig þessi orð en þegar í júlí árið 2006 gerði hann ráð fyrir að krónan myndi falla. Væntanlega hefur hann viljað verða jafn frægur og maðurinn sem hagnaðist á gengissveiflum (falli) pundsins árið 1992, Goerg Soros. Ef Hugh Hendry veðjaði "stutt" á þeim tíma, júní-júli 2006, þegar krónuvísitalan var á bilinu 125-130 hefur hann væntanlega tapað fé fyrir sig og sína næsta árið. Ef hann var enn að í nóvember 2007 hefur hann síðan þá getað hagnast verulega á gengi krónunnar, sem síðan þá hefur fallið um 35 hundraðshluta.

Að veðja stutt felur í sér að leggja fé í að tiltekið gengi falli, ef ég skil orðalagið rétt. Slík aðgerð fæli t.d. í sér að fá lánaðar íslenskar krónur gegn greiðslu í annarri mynt. Ef krónan félli þyrfti æ færri einingar greiðslumyntarinnar til þess að greiða upp lánið og öfugt. Eins og gefur að skilja eru óskis mannsins vita siðlausar en e.t.v. falla þær undir margfræga skilgreiningu á löglegu en siðlausu. Hendry er nær fertugu, tveggja barna faðir en hver veit nema gömul íslensk kærasta hafi verið eitthvað vond við hann og nú sé hann í sambandi við andaheiminn til þess að ná sér niðri á íslenskri þjóð.

Vildi gera Ísland gjaldþrota

Athugasemdir

[Púkinn, 1.4.2008 kl. 11:28]

Atlögur að gjaldmiðlum geta verið flóknari - t.d. geta menn gert framvirka samninga - til dæmis keypt rétt til að selja krónur á ákveðnu gengi á ákveðnum tíma í framtíðinni, eða skuldbundið sig til að selja krónur á ákveðnu gengi á ákveðnum tíma í framtíðinni.  En raunverulegt gengi krónunnar á þeim tíma er lægra en gengið í viðskiptunum geta menn grætt verulega - margfalda þá upphæð sem þeir lögðu í viðskiptin í upphafi.

Hins vegar getur gengið þróast í hina áttina oþá eru menn í slæmum málum.

[Ólafur Als, 1.4.2008 kl. 11:57]

Margföldunaráhrifin birtast alla jafna ef menn nota lánsfé, ekki bara sitt eigið fé. Manni skilst að sjóðir af þessu tagi (hedge-funds) hafi enn góðan aðgang að lánsfé og að tryggingarálag sé enn afar lágt. Eitthvað eru menn að gera rétt á þessum bæjum.