Hinir hróðugu ESB sinnar með sveittan skallann

Hve lengi á ESB-sinnum að leyfast að vísa til reynslu Írlands og annarra ríkja með evru sér til halds og traust í áróðri sínum fyrir inngöngu Íslands í stórríkið? Hve hróðugir voru þeir ekki fyrir stuttu síðan? Nú rembast þeir eins og rjúpan við staurinn til þess að sjá á málinu nýja vinkla sem á að afsanna þeirra fyrri orð. Að þeir hafi í raun rétt fyrir sér og að evran sé samt betri.

Nú er það ljóst að samstarf á sviði efnahags er af hinu góða. Myntsamstarf er þar á meðal. Hins vegar verða menn að gera sér grein fyrir göllunum, um leið og kostirnir eru básúnaðir. Ef reynslan sýnir að evru-myntsamstarfið hafi jafnvel skaðað lönd á borð við Írland er sæmandi að viðurkenna slíkt en halda ekki áfram lygunum og reyna með öllum ráðum að hræða Ísland til undirgefni við Brusselvaldið.

Írland-Ísland: Munurinn einn stafur og sex mánuðir

Athugasemdir

[Fannar frá Rifi, 16.2.2009 kl. 12:23]

EES opnaði fyrir Icesave og svo var ríkistryggingu troðið á okkur með valdbeitingu ESB ríkjanna.  Í upphafi virðist EES hafa verið mjög góður samningur. núna þegar á reynir þá sjáum við hvernig EES, ESB og Evran reynast raunverulega. því það er ekkert mál að vera stór og stæðilegur í góðæri.

[Ólafur Als, 16.2.2009 kl. 12:35]

Hvað getum við svo lært af þessu? Eigum við að forðast myntsamstarf ... eða eigum við að leita eftir því; í formi sem er ásættanlegt og tekur tillit til okkar efnahags? Virkjum kosti EES samningsins, sem fela í sér að auðvelda viðskipti en setjum jafnframt hæfilegar skorður á þann hluta er varðar flæði fjármagns - hér verða menn að fara varlega, því það er vissulega hagstætt fyrir önnur viðskipti að fjármagn fái að flæða sem frjálsast.

[Hlédís, 16.2.2009 kl. 12:38]

Þarfur pistill, Ólafur!

[Birna Jensdóttir, 16.2.2009 kl. 14:01]

Það er aðeins eitt sem ég hef ekki getað skilið og það er af hverju eru Bretar ekki með evru?

[Ómar Bjarki Kristjánsson, 16.2.2009 kl. 14:37]

"af hverju eru Bretar ekki með evru?"

Tilfinningarmál + þjóerniskennd.

Pundið er svo sterkur hluti af breskri sjálfsmynd.

[Ólafur Als, 16.2.2009 kl. 14:44]

Fleira er nú hægt að tiltaka en tilfinningaleg rök, Ómar, þó svo að þau vegi eflaust ekki lítið. Pundið hefur fallið nokkuð síðustu vikur gagnvart helstu gjaldmiðlum öðrum - sem gerir Bretum auðveldara fyrir að efla útflutningsiðnað, taka á sig launalækkun í formi hærra vöruverðs o.fl.