Góðar stundir!

Vikan er brátt á enda og framundan sunnudagur hlaðinn vel til fundnum fíflalátum. Spennandi verður að bera saman aprílgrín Dana og okkar heima en mér er sagt að fjölmiðlar taki allir þátt í þeirri gleði en að öðru leyti gangist krakkarnir mest upp í gríninu. Veðrið hefur leikið við okkur hér, sól og góður hiti yfir daginn en að vísu skítkalt yfir blánóttina. Gróður er í kröftugum vexti, runnar og tré grænka og vorblómin heilsa mannfólkinu.

Í kvöld ætla ég að líta til vinafólks en á morgun fer ég með þeim út í kolonihaven þeirra að brenna garðrusl og sinna fleiri verkum. Þau hafa beðið þessa dags því þá fyrst er garðeigendum leyfilegt að kveikja bál. Veðurfræðingarnir spá bjartviðri en á mánudag er búist við að dragi fyrir sólu. Mig grunar að gróðurinn sakni smá vætu en hvað um það þá ætla ég að vökva kverkarnar í kvöld.

Góðar stundir!

Athugasemdir

[birgir guðjónsson (IP-tala skráð) 31.3.2007 kl. 18:47]

Skálum fyrir því.

[Þorsteinn Ingimarsson (IP-tala skráð) 1.4.2007 kl. 02:04]

Hestaskál

kv.  

[Ólafur Als, 1.4.2007 kl. 18:03]

Skál