Handbolti með stórútsöluafslætti

Úff. Var að sjá leikinn í norska sjónvarpinu. Slæmt var það lagsmaður. Eftir all góðan fyrri hálfleik, hrundi leikurinn í síðari hálfleik. All gott lið B-lið í fyrri hálfleik umbreyttist í ráðvillta sveit drengja sem ekki vissi hvað sneri upp eða niður. Markvarslan var engin, sókn og vörn engin og áhuginn og getan nánast engin. Lélegri hálfleik hef ég ekki séð af hálfu handboltaliðs í langan tíma og ömurlegt að sjá Norðmenn gera grín að drengjunum. Úff.

Stórt tap fyrir Norðmönnum

Athugasemdir

[Þorsteinn Ingimarsson (IP-tala skráð) 13.1.2008 kl. 21:02]

Óli minn, hver nennir að horfa á b-lið þegar a - liðið er að spila.  Fórum létt tékkanna hérna heima og förum svo létt með norðmennina í sjálfri keppninni. Enda eru norðmenn evrópumeistarar æfingamóta.

[Ari Guðmar Hallgrímsson, 13.1.2008 kl. 21:09]

Ekki sammála,hundaheppni réði síðustu mínútunum...  Kveðja

[Ólafur Als, 13.1.2008 kl. 22:17]

Spiluðu ekki á sama tíma reyndar - en margt þarf að laga, t.d. að verjast hraðaupphlaupum. En sjáum hvað setur, aldrei að vita nema hlutirnir gangi upp í næstu viku.

[Torfi Stefánsson (IP-tala skráð) 13.1.2008 kl. 22:21]

Mér skilst að Norðmenn hafi einnig verið með b-lið sitt inná. Það vantaði lykilmenn í norska liðið eins og Glenn Solberg, Kristian Kjelling, Håvard Tvedten og Kjetil Strand.

Og ekki leist mér á leik a-liðsins gegn Tékkum. Tékkarnir voru gjösamlega skyttulausir en við með okkar besta lið. Leikur íslenska liðsins hugmyndasnauður og andlaus, rétt eins og yfirleitt undir stjórn Alfreðs. Það sem sást gott til liðsins var ættað frá tímanum þegar Viggó Sigurðsson var landsliðsþjálfari.

Nei, því miður hefur "Jonni" líklega rétt fyrir sé þegar hann spáir því að Ísland muni keppa um 11.-12. sæti, þ.e.a.s. ef við náum svo langt.

[Ólafur Als, 13.1.2008 kl. 22:28]

Jú, nokkra lykilmenn vantaði hjá Norðmönnum en aðra ekki. Við einungis með Fúsa og Birki, sem gat lítið fyrir framan arfaslaka vörn. Vert er að bæta við að íslenska liðið var stærstan hluta seinni hálfleiks einum og stundum 2 færri.

[Kristján Eldjárn Þorgeirsson, 13.1.2008 kl. 23:59]

Torfi! vorum við að horfa á sama leikinn?  Það held ég ekki.  Ekki nema að þú hafir ekkert vit á handbolta?   Að tala um að leikur íslenska liðsins hafi verið "hugmyndasnauður og andlaus, rétt eins og yfirleitt undir stjórn Alfreðs" lísir ekki mikilli speki.  Alfreð er einfaldlega besti þjálfari sem Íslendingar eiga.  Allt það sem landsliðið er að gera er hugmyndasmíð Alfreðs, sama hvað hver segir.  Viggó gerði enga stóra hluti með þetta lið.  Varnarleikur var í molum, enda hafa lið sem Viggó hefur þjálfað aldrei spilað neitt sérstakan varnarleik.  Það er þó varnarleikur núna í liðinu.  Sóknarleikurinn var ágætur hjá Viggó, en hann er frábær núna.  Markvarslan var stærsta vandamálið hjá viggó og það er hún líka hjá Alfreð og er það bara af því að það hefur ekki verið lögð nógu mikil rækt við markmannsþjálfun á landinu.  Róland var reyndar mjög góður í dag, þangað til að hann meiddist, en Hreiðar var arfaslakur og á að mínum dómi ekki heima í þessum hóp.  Það er alltaf talað um það að markvarslan og vörnin haldist í hendur þ.e. góð vörn = góð markvarsla en því er ekki til að heilsa í landsliðinu eins og það er í dag.  Vörnin er nær undantekningalaust frábær og svo arfaslök markvarsla á bakvið hana, það á ekki að vera þannig.  Þetta segir manni bara það að það þarf að fara að taka meiri og fastari tökum á markmannsþjálfun.  HSÍ ætti að fá þessa öflugu markmenn, sem við áttum á árum áður, eins og Einar Þorvarðarson og Guðmund Hrafnkelsson já og Bergsvein Bergsveinsson til að vera, reglulega með námskeið fyrir markmenn.   

[Ólafur Als, 14.1.2008 kl. 06:41]

Sæll Kristján,

mér þykir þú taka sterklega til orða en það er svo sem allt í lagi. Ekki viss um hvort ég taki undir greiningu þína, minnist t.d. ekki eins einasta góðs markmarðar sem íslenskt landslið hefur átt. Guðmundur H.hefur komist næst því en hann átti eitt, jafnvel tvö stórmót, þar sem hann var ekki sísti markvörður þeirra landsliða sem voru ofar miðju. Mér finnst Alfreð góður þjálfari og ekki síst ágætis félagi enda þekki ég manninn úr menntaskóla og konuna hans frá sama stað. Hann er höfðingi heim að sækja og hvers manns hugljúfi. Hvort hann er sá besti veit ég ekki en ekki er ég sammála þér að vörnin sé komin í lag eða þá að vörnin hafi verið í molum hjá Viggó. E.t.v. var hún með besta móti hjá Guðmundi. Hins vegar er ég sammála að á köflum er sóknin orðin mjög góð og mögulega sú besta sem við höfum átt.

[Torfi Stefánsson (IP-tala skráð) 14.1.2008 kl. 07:38]

Nei, líklega hef ég ekkert vit á handbolta!  Þó fylgdist ég nokkuð með Alfreð þegar hann var að þjálfa KA fyrir norðan og fannst lítið til koma. Kannski svona góður vanur fyrir sunnan en ég hef glápt á handbolta síðan ég var smá gutti! Þaðan hef ég reyndar mitt litla vit en svo er nú ástatt með flesta Íslendinga - og hefur það verið ágætur skóli enda við í fremstu röð allt frá árinu 1960!!!

Menn hafa löngum talað um hve vörnin hafi verið léleg þegar Viggó var landsliðsþjálfari. Þessu átti að breyta með tilkomu Alfreðs, eins besta varnarþjálfara í heimi! Síðan hafa liðið mörg ár og varnarleikurinn hefur lítið skánað.

Og það sem sést skást í sóknarleiknum, þ.e. hraðupphlaupin, eru ættuð frá Viggó sama hvað þú segir. Að halda því fram eins og þú gerir að sóknarleikurinn sé "frábær núna" sýnir að þú hlýtur að vera frá Selfossi eða einhverjum öðrum handboltalegum útnára!

[Ólafur Als, 14.1.2008 kl. 08:47]

Strákar, reynum að halda umræðunni á kurteisari nótum!