Sérlundaður snillingur

Hvað á maður að segja um skáksnilling á borð við Fischer? Hann markaði sín spor í skáksögunni og jafnvel víðar. Sumir segja að hann hafi komið Íslandi á kort heimsins þegar enginn vissi af landi og þjóð. Sá eldur sem brann með honum setti hann ofar öðrum í skáklistinni en varð honum um síðir að falli. Sérlundin hans tók á sig ýmsar myndir og sumar jafnvel skemmtilegar en um síðir leiddi eldmóðurinn hann inn á óæskilegar brautir. Hann stóð í stríði við yfirvöld í heimalandi sínu og andúðin á Gyðingum fékk á sig ýmsar myndir. Þegar flestir vegir virtust honum lokaðir réttu íslensk yfirvöld honum hjálparhönd og veittu honum skjól. Eftir það virtist lítið fara fyrir manninum og er það e.t.v. vel. Sem einlægur aðdáandi hans á sínum tíma minnist ég hans fyrir skáksnilli og allt að því viðkunnanlega sérlund. Hinu reynir maður að gleyma.

Skákmenn minnast Fischers

Athugasemdir

[Gestur (IP-tala skráð) 18.1.2008 kl. 13:00]

Oft er nú sagt að það sé stutt á milli snilligáfu og geðveiki/geðveilu, það virðist að einhverju leyti hafa átt við í tilfelli Fischers, bráðgáfaður maður á ferð en því miður átti hann við sín vandamál að etja. Hann fékk þó að eiga rólegt og ánægjuleg ævikvöld hér uppi á Íslandi.