Frakkar með yfirhöndina í hálfleik

Frakkar hafa sýnt góðan leik í fyrri hálfleik og á tíma leit út fyrir að þeir myndu rúlla yfir Svíana. En sænska stálið er seigt og þeir gefast ekki upp þó á móti blási - enda hefur andlega hliðin alltaf verið sterk hjá þeim. Frakkar eru líkamlega sterkir, hreyfanlegir í vörninni og sóknarleikurinn byggist á leiknum mönnum sem geta fintað og fundið menn á línunni. Svíar lentu snemma 5-6 mörkum undir en hafa náð að halda í við Frakkana eftir sem liðið hefur á leikinn. Seinni hálfleikur verður forvitnilegur og hver veit nema Svíar nái fótfestu og komi á óvart. Ef Frakkar halda vel á sínu og vilja sýna hvað í þeim býr geta þeir ekki leyft Svíum að saxa á forskotið. Þá er voðinn vís fyrir þá.