Er þetta fréttnæmt?

Í ekki svo merkilegu viðtali við hinn aldna Nóbelsverðlaunahafa telur mbl.is það til tíðinda að Doris Lessing telji það fyrir bestu að Barack Obama verði ekki næsti forseti Bandratíkjanna, þvi "þeir munu myrða hann". Á hvaða plánetu eru starfsmenn mbl.is eiginlega? Er allt í einu farið að vitna í áttatíuogáttaára gamla konuna um amerísk stjórnmál og gefið virðulegt pláss á mest lesna fréttavef landsins - úr löngu viðtali í sænsku blaði ?

Doris Lessing er enn í gamlaheims pólitík, þar sem sumir gamlir sósíalistar dvelja enn. Á yngri árum þegar hún lofaði Stalin og kallaði hann Jóa frænda taldi hún sósíalismann svar við óréttlæti heimsins. Lessing er enn á svipuðum þroska í stjórnmálunum og því eðlilegt að hún sjái hettuklædda hvíta menn, vestur í Bandaríkjunum, í hverju horni, minnug fyrri tíma.

Þó svo að Lessing hafi lítið breyst, þá hefur hluti heimsins tekið stakkaskiptum og nú er hálfsvartur maður að gera alvarlega atrennu að æðsta embætti Bandaríkjanna. Í síðustu skoðanakönnunum kemur í ljós að á meðal hvítra karlmanna stendur hann sig vel þar vestra, næstum eins vel og McCain, og mun betur en Clinton. Það er saga til næsta bæjar, þó ekki berist hún þangað sem Lessing dvelur.

Obama „yrði myrtur“