Óvönduð blaðamennska

Ekstra-Bladet sóttist eftir sátt í málinu til þess m.a. að forðast afar kostnaðarsama vörn í Bretlandi. Á haustmánuðum 2006 skrifaði blaðið greinar um m.a. Kaupþing, sem sakað var um stunda "skattefifleri" - gefið í skyn að bankinn færi á svig við lög með skattahagræðingum. Sigurður Einarsson var nafngreindur og fleira miður jákvæð skrif rötuðu inn á síður blaðsins. Ef menn muna hafði þetta áhrif á verðbréfagengi Kaupþings heima á Íslandi og víðar og olli vissulega skaða.

En stærstu mistök blaðsins voru að þýða textann yfir á ensku, sem gerði það að verkum að Kaupþing gat sótt Ekstra-Bladet til saka í Englandi, þar sem Sigurður Einarsson er með heimilisfang. Hann gat því sótt málið þaðan og blaðið sá sæng sínu útbreidda og sóttist eftir sátt í málinu. Gert er ráð fyrir að sáttin nemi vel á annað hundrað milljónum íslenskra króna, ásamt birtingu afsökunarbeiðni í mánaðartíma á vefsíðu blaðsins. Hver veit nema vandaðri fréttir muni nú berast af útrásinni íslensku hér í Danmörku eftir þetta.

Biður Kaupþing afsökunar