Til hamingju KR-stúlkur

Það þurfti alla þessa leiki til að komast í úrslitin gegn Keflavík. Eftir sigra í tveimur fyrstu leikjunum fannst manni sem þetta væri í höfn en Grindavíkur-skvísur voru því ekki sammála. Þær sigruðu í næstu tveimur og knúðu fram oddaleik þar sem mínar stúlkur höfðu það. Keflavíkurhraðlestin virðist ósigrandi en KR-stúlkur hafa nú haft það af að sigra þær í vetur. Nú er að trúa á verkefnið og sigra fleiri leiki en andstæðingurinn og láta alla vita að KR er mætt til leiks í kvennaboltanum á ný.

Nú er að sjá hvort strákarnir nái ekki að feta í fótspor stúlknanna. Ef svo verður gætu sömu lið mæst í úrslitum í karlaboltanum eins og hjá stúlkunum. Það yrði saga til næsta bæjar.

KR lagði Grindavík og leikur til úrslita