Eru menn að horfa í eigin barm og viðurkenna mistök?

Fyrir alla muni komið starfsemi bankanna sem mest út úr landi. Mikilvægast er þó að menn greini vandann sem best. Hin alþjóðlega fjármálavá er ekki í okkar höndum en hér heima er af nægu að taka. Þeir aðilar sem hafa gert helstu mistökin í stjórnun efnahags- og peningamála, ásamt með bankamönnum sem hafa leikið sér að efnahagslegu fjöreggi þjóðarinnar, eru nú að funda um aðgerðir. Er von til þess að þessir aðilar viðurkenni mistök sín? Án þess að það liggi fyrir er lítil von til þess að bjargráðin verði eins og best verður á kosið. Hvað sem sagt er og hverju sem menn annars trúa er ljóst að aðgerðirnar nú verða að taka á ýmsum grundvallarvanda.

1) Uppstokkun í Seðlabanka og breyttar áherslur í stjórn vaxta- og peningamála

2) Ríkið gæti aðhalds þegar fram í sækir - reglugerðarverkið bætt og eftirlitsstofnanir skoðaðar

3) Bönkum settar strangari reglur og erlend starfsemi aðskilin að meira eða minna leyti frá innlendri

4) Láta lífeyrissjóðina að mestu í friði

5) Hálaunasamningar stærri fyrirtækja endurskoðaðir - siðvæðing viðskiptalífsins

6) Þjóðin líti í eigin barm og læri að eyða ekki um efni fram

7) Farið ofan í saumana á verðbréfabólunni og þeim sem hafa rakað saman fé á grunni hennar

... fleira mætti til taka ... 

Ef þeir aðilar sem nú fjalla um málið geta ekki séð í eigin barm og viðurkennt mistök er ljóst að hagsmunaaðilar og þjóðin öll þarf að leggjast á eitt og kalla eftir uppstokkun og siðvæðingu í íslensku viðskiptalífi. Hún þarf einnig að líta í eigin barm og horfast í augu við að hún tók þátt í öllu saman og er enn föst í leikritum á borð við baráttu Davíðs og Baugs, og líklegast hefur hún átt sinn þátt í því að firra viðskiptalífið ábyrgð á stórum vettvangi, sbr. hvernig Baugi tókst að koma sér hjá stærri sakfellingu, allt upp í hæstarétt.

 

 

Sameiginleg aðkoma að Glitni

Athugasemdir

[Sigurður Þ. Hauksson (IP-tala skráð) 6.10.2008 kl. 19:10]

U were saying ... Óli?

"Strika út"hvern? 

"Sósa" hvað, ha? 

PS. Manstu þegar að við sáum "Harðann", fyrir margt löngu, frekar illa til "reika" árla föstudagskvölds f. utan Landsbankann L.vegi 77, sennilega að koma af bankaráðsfundi með Kjartani það skiptið,eða e-ð, rather worse for the wair. Man að við störðum báðir forviða (eins og ég sagði ... þetta var fekar árla kvölds), hugsuðum það sama og skelltum svo báðir upp úr ... 

PS2. Sagði einhver Joseph Schumpeter? 

[Ólafur Als, 6.10.2008 kl. 20:02]

Sæll,

satt best að segja man ég ekki eftir þessu atviki - það hlýtur að vera langt síðan, líkt og það er langt síðan við áttum kvöldstund saman ... hvað er annars að frétta?

Umfram það sem menn þurfa að læra af þeim hremmingum sem umheimur virðist nú hafa ratað í kvíði ég einna mest kratavælinu sem mun hellast yfir okkur síðar meir, að ekki sé nú talað um ef lagsmenn á borð við Jón Baldvin muni fá hljóðnemann. En frjálshyggjumenn geta sjálfum sér um kennt að hafa ekki varðað leiðina betur og orðið á köflum kaþólskari en páfinn. Menn ættu að vita að félagshyggjan og frjálshyggjan eru systkyni sem þrífast á hvort öðru, þó svo að frjálshyggjan eigi að draga vagninn ...

[Sigurður Þ. Hauksson (IP-tala skráð) 6.10.2008 kl. 21:07]

Já Óli kall, margar eru þær hyggjurnar og merkimiðarnir og mikið spjallað og "spökulerað' ... en svo ég geri þessi orð að mínum þá er "það eina sem ég veit, er að ég veit ekki neitt" ... , en maður er alltaf að reyna bæta úr, þó svo að information sé ekki það sama og knowledge og knowledge sé ekki það sama og wisdom og sein ekki það sama og schein ...

Annars svo sem ekkert að frétta ... maður þreyir þorran og gjéið ..., eins og flestir  ...

Þetta atvik sem ég minntist á er ógleymanlegt ... svo súrrealískt sem það var ... sérstaklega kannski fyrir þig :-)

Heyrði ég hann annars segja í kvöld: "We shall fight on the beaches ... We shall never surrender!" ... Eða?

Láttu þér og þínum líða vel, og áfram Fram! ;-)

Kveðja

Siggi