Er Ólína Þorvarðardóttir einungis flokksdindill Samfylkingarinnar?

Er ekki dæmigert að fulltrúi Samfylkingarinnar, Ólína Þorvarðardóttir, skuli ekki vilja ræða málefnalega um hugmyndir Framsóknar og Tryggva Þórs Herbertssonar. Lýðskrum fulltrúa Samfylkingarinnar er áberandi þessa dagana. Þeir kannast ekki við að hafa verið í ríkisstjórn Geirs H. Haarde og jarma söng óánægjuradda samfélagsins, að ekki sé nú talað um að taka undir og breiða út níðið sem um Sjálfstæðisflokkinn og stuðningsmenn hans er dreift dag hvern.

Ef ekki vill betur láta fulltrúar Samfylkingarinnar sig ekki muna um að ata persónur manna auri, halda uppi rógburði og gróusögum og ef allt um þrýtur ljúga upp á menn. Fræðingurinn Ólína er góður Samfylkingarmaður og trú hinum "nýju gildum" síns flokks. Af alkunnri vinstrimennsku er henni bæði ljúft og skylt að hafna úrræðum sem gætu falið í sér að einhverjir högnuðust. Þó svo að hægt væri að sýna fram á að allir högnuðust má ekki til þess hugsast að hinir betur settu fái einnig hluta af kökunni.

Það er eins og vinstri menn átti sig ekki á valdi sínu þessa dagana. Þeir láta eins og sá sem kann ekki að taka sigri. Það er samhljómur fyrir samfélagslegum úrræðum og hægri menn eru reiðubúnir til þess að fallast á slíkt - alla vega tímabundið. Vinstri menn hafa ráð þjóðarinnar í hendi sér en beita margir kröftum sínum í að atyrðast út í allt og alla sem tengjast Sjálfstæðisflokknum.

Hinir "lýðræðissinnuðu" vinstrimenn ætla sér ekki að taka tillit til hægri manna. Það eru mistök, ekki bara fyrir þá, heldur þjóðina alla. Sú frjálshyggja sem umlykur hugmyndafræði hægri manna er nauðsynleg til langframa fyrir hag þjóðarinnar. Að sama skapi má segja að hæfileg félagshyggja sé og nauðsynleg, enda eru þessar hyggjur háðar hvor annarri. Þessu gleyma menn í hvirvilvindi núverandi ástands.

Án frjálshyggju væru ekki einu sinni til stjórnarskrár Vesturlanda.

Yfir 1000 hafa sótt um greiðsluaðlögun

Athugasemdir

[Arndís (IP-tala skráð) 5.4.2009 kl. 13:25]

Ég hlustaði á þáttinn og það var ótrúlegt að hlusta á yfirllæti og kvenfyrirlitngu þeirra Sigmundar Davíðs og Tryggva Þórs gagnvart Ólínu og raunar öllum sem voru annarrar skoðunar en þeir. Skýrsla Seðlabankans var að þeirra mati ómarktækt plagg enda unnina af "dularfullum" starfshópi o.s.frv. - það voru bara allir fífl og asnar að þeirra mati nema þeir sjálfir.

 Mér fannst Ólína standa sig býsna vel gegn þessum hákörlum. Ummæli hennar um tengst Sigmundar Davíðs við Kögun hefur hún útskýrt nánar á bloggsíðu sinni í dag og hún gerir það vel.

[Helgi Jóhann Hauksson, 5.4.2009 kl. 13:38]

Þú ert fyrsti og eini maðurinn á þessari Jörðu sem lætur sér til hugar koma að Ólína Þorvarðardóttir sé viljalaus strengjabrúða einhverra annarra en sinnar eigin sannfæringar og sinna eigin skoðanna. - Merkilegt hvernig menn fara að til aðófrægja fólk. Ófrægingamenn hafa lengst af legið henni það á hálsi að vera ákveðin á sinni meiningu, en nú þegar einmitt það er orðinn eftirsóttasti kostur þeirra sem við viljum fá á þing þá er dæminu hér algerlega snúið við og sama mannseskja sem þekktust er fyrir að bera á borð sínar eigin meiningar er hér ásökuð um að vera þæg strengjabrúða ótilgreindra „Samfylkingarmanna“ án þess að það sé svo skilgreint hverjir þar ættu að hafa slíkt vald.

Hér ert það þú einn sem „atar persónur manna auri, heldur uppi rógburði og gróusögum“ eins og þú berð öðrum á brýn án þess að þú tilgreinir dæmi um slíkt.

[Ólafur Als, 5.4.2009 kl. 13:49]

Helgi, hvernig ætlast þú til þess að ég taki mark á þér og öðrum flokksdindlum þessarar ríkisstjórnar. Þið eruð búin að ata Sjálfstæðisflokkinn og hans stuðningmenn slíkum auri að það verður langt þar til maður vill í raun eiga vinsamleg og uppbyggileg samskipti við ykkur. Í mínnum huga segi ég: þig kunnið ekki að skammast ykkar!

[Ólafur Als, 5.4.2009 kl. 13:57]

Arndís, ég þykist viss um að Ólína hafi staðið sig vel gegn þessum "hákörlum" - ég veit reyndar ekki hvað svona orð nema til þess að fóðra e.k. femeníska hugmyndafræði.

Nú er tími samsæriskenninga og fræðingar sóttir út í heim til þess að fóðra þær hugmyndir. Hér heima hamast vinstri menn og vilja tengja hina og þessa alls kyns böndum, sem hentar svo vel í ljósi ástandsins - og margir liggja svo vel við höggi. Í þann knérunn er hoggið hjá vinstri mönnum og þeir leyfa sér  - endurtek: leyfa sér, að hneykslast yfir annarran manna orðfæri. Ég endurtek því: þið kunnir ekki að skammast ykkar!

[Ólafur Als, 5.4.2009 kl. 14:03]

Ólína dansar á sinni vinstri línu og hefur alltaf gert. Samfylingin er komin í þau spor einnig enda líður henni best ef húg getur fóðrar sitt vinstra eðli og skotið á menn og málefni til vinstri og hægri. Það haf ávallt verið ær og kýr vinstri manna. Hvernig væri nú ef Samfylingin kannaðist við tengsl sín við atvinnulífið og ýmsa forkólfa þar, í stað þess að benda sífellt á aðra.

Lýðskrumið er algert hjá Samfylkingunni og mörgum vinstri mönnum þessa dagana. Ef ekki vill betur á að rægja einstaklinga á borð við Sigmund Davíð ... 

[sandkassi (IP-tala skráð) 5.4.2009 kl. 15:41]

Það er eflaust góð innivinna að sitja á alþingi og ætlar Ólína sér inn held ég. En það væri nærtækara fyrir hana að fjalla um þau mál sem skipta máli þessa dagana svo sem gagnlausar aðgerðir ríkistjórnarinnar í fjárhagstöðu heimilanna.

Af hverju hennar flokkur ætlar að borga IceSave þótt okkur beri það ekki samkvæmt lögum, nema af sleikjuskap við ESB. Allt fyrir Samfylkinguna.

Þetta Kögunarmál er gamalt kjaftæði og lýsir það málefnafátækt Ólínu að vera að hjakka í gamla bremsufarinu.

[Lúðvík Júlíusson, 5.4.2009 kl. 20:56]

Hér eru nokkrar setningar úr bókum hægrisinnaðra hagfræðinga þar sem fjallað er um hagstjórn Sjálfstæðis- og Framsóknarflokks en hún byggðist á því að ýta undir hagsveiflur og lítið aðhald í peningamálum.

Þeir segja efnahagsstefnu síðustu ára vera andlýðræðislega og andkapítalíska.

"Peningar í umferð mega ekki vaxta óheft því það mun enda með hruni peningakerfisins"

"Ríkisstjórn leitar aðstoðar verðbólgu þegar hún er ekki tilbúin til að auka skattheimtu eða getur ekki orðið sér úti um lán; það er sannleikur málsins"

"Verðbólga verður mikilvæg sálfræðilega þegar fela þarf afleiðingar hagstjórnar, og þannig telst hún andlýðræðisleg, því með því að blekkja almenningsálit getur hún viðhaldið kerfi sem ríkisstjórnin hefði enga möguleika á ef allur sannleikurinn væri á hreinu"

"Ríkisstjórn sem grípur til verðbólgustefnu er að nota aðferðir sem eru andstæð hugmyndum um fulltrúalýðræði, þó að formlega það hafi farið eftir lögum.  Ríkisstjórnin er að notfæra sér fáfræði fólks, hún er að svindla á kjósendum í stað þess að sannfæra þá"

"Falski hagnaðurinn sem myndast vegna verðbólgu er farið með eins og alvöru hagnað"

"Verðbólga skapar ekki meiri verðmæti, heldur færir aðeins auð og tekjur frá einum hóp til annars ... aðrar afleiðingar eru of lítil fjárfesting og rýrnun fjármagns." (Fjármagn þarf til að standa undir velferð og fjárfesting þarf til að auka velferð)

"Verðbólga er hið sanna ópíum fólksins og því er skammtað af andkapítalískum ríkisstjórnum og flokkum"

 Ég mæli með því að fólk lesi bækur eftir Ludwig von Mises, Friedrich Hayek og Milton Friedman.  Þær fjalla margar allar um hagstjórn og hvernig lítið aðhald í peningamálum leiði til hruns.  Þær sáu núverandi ástand fyrir.

[Ólafur Als, 5.4.2009 kl. 21:00]

Það má margt læra af þessum snillingum, Lúðvík, og reyndar mörgum fleiri. Nú erum við Íslendingar í lærdómsferli, svo og heimurinn allur, sem skilar vonandi einhverju betra en hagstjórn síðustu ára færði okkur.

[Lúðvík Júlíusson, 5.4.2009 kl. 21:12]

Við erum ekki í lærdómsferli.  Það var ljóst hvert við vorum að stefna og hverjar afleiðingarnar yrðu.... kannski ekki að fallið yrði svona hátt.

Nú þurfa flokkar og fólk sem ekki tóku þátt í að ýta undir ruglið að taka við og gera Ísland aftur að besta landi í heimi.

Það eina sem dugir er vinstristjórn og Samfylking.

[Ólafur Als, 5.4.2009 kl. 22:09]

Lúðvík, þetta hljómar ekki sannfærandi hjá þér. Fullt af þversögnum ...

[Lúðvík Júlíusson, 5.4.2009 kl. 22:12]

hverjar eru þversagnirnar?

[Ólafur Als, 5.4.2009 kl. 23:07]

Vinstri menn að lesa og læra af Hayek, Friedman ... ?

I rest my case.

Mér sýnist sem stór hluti þjóðarinn þjáist af eftirávisku. Upp úr höttunum eru dregnir erlendir spekingar og samsæriskenningarmenn. Hver hefur sína sögu að segja en varla nokkur sem þekkir til aðstæðna hér. Kenningar þeirra hljóma oft sannfærandi en þær hafa flestar það sammerkt að búa yfir nokkrum sannleika, all miklum hálfsannleika og verulegar getsakir til þess að fylla upp í myndina. 

Innlend kenning myndi t.d. fela í sér að Samfylkingarfólk myndi, þó ekki væri nema einu sinni, líta í eigin barm og viðurkenna mistök. Þeir sem búa í raunheimi vita sem er að kratar hafa ávallt rétt fyrir sér og þó svo að þeir komi einstaka sinnum að kjötkötlunum bera þeir aldrei neina ábyrgð. Þegar fulltrúar þeirra taka við embættum á vegum hins opinbera, þegar þeirra menn eru gerðir að sendiherrum eða þegar þeir beita áhrifum sínum til þess að hygla sjálfum sér, vita þeir sem er að þeirra fólk á þetta ávallt skilið á meðan spilling og misbeiting valds einkennir stöðuveitingar til annarra. Hjarta kratans er jú á réttum stað - hann efast ekki um eigið ágæti og þegar hann leggst á koddann er hann sáttur við sjálfan sig en á vart orð yfir óréttlæti heimsins og allra þeirra sem ekki sjá ljósið.

[Lúðvík Júlíusson, 5.4.2009 kl. 23:28]

Hvað meinarðu með 'Vinstri menn að lesa og læra af Hayek, Friedman ... ?'?  Þetta eru þeir menn sem hægrimenn eiga að lesa enda þeirra hugmyndafræði.  Þá hefðuð þið hægrimenn séð og vitað hvert þið voruð að fara.

Það getur enginn sagt að Mises, Hayek og Friedman séu eftirásnillingar eða með samsæriskenningar.  Þeir eru ekki á lífi í dag.

Það sem orsakaði hina mikla bólu hér innanlands var stefna sem hófst um aldamótin m.a. með fleytingu krónunnar, með litlu aðhaldi í peningamálum, með þenslu ríkisins og 100% íbúðalánum.  Þetta var allt gert í tíð Sjálfstæðis- og Framsóknarmanna.

Þetta var miklu meiri vandi en svo að hægt væri að vinda ofan af honum á 18 mánuðum eða skemur.  Aðgerðir í efnahags- og peningamálum taka lengri tíma en það.

Þú getur tekið síðustu efnisgreinina þína og breytt 'Samfylkingarfólk' og 'kratar' í 'Sjálfstæðismenn'.

[Ólafur Als, 5.4.2009 kl. 23:58]

Nei, Lúðvík, það er ekki hægt - því fólk eins og ég og fleiri höfum viðurkennt mistök, ekki bara persónulega, heldur höfum við ritað og skrafað um það sem misfórst. Sjálfbirgingsháttur krata leyfir ekki slíkt. Það, að láta detta sér í hug að Samfylkingingin hafi gert tilraun til þess í samstarfi við Sjálfstæðisflokkin, að vinda ofan af "vandanum" lýsir slíku naíviteti og sjálfsdýrkun að þetta eitt sannar fyrri orð mín um kratana. En ef til vill ertu bara ungur að árum og vilt fela þig á bak við það. Skiptir reyndar ekki máli.

Að öðru leyti nenni ég ekki að fara í upprifjun á orsökum hrunsins - hef heyrt of margar útgáfur til þess að nenna að rifja það upp með þér núna. Kannski síðar.

[Lúðvík Júlíusson, 6.4.2009 kl. 00:18]

Sæll Ólafur, þú notar ansi stór orð til að fela þig bak við.  Það var farið í aðgerðir til að draga úr þenslunni og til að efla FME... svo að þarna hefur þú rangt fyrir þér að Samfylkingin hafi ekki gert tilraunir til að vinda ofan af vandanum.

Svo nennirðu ekki að rifja það upp að hugmyndafræði Sjálfstæðisflokksins er hrunin og eina hugmyndafræðin sem eftir stendur er félagshyggjan.

Takk fyrir spjallið... spjöllum síðar.

[Toni (IP-tala skráð) 6.4.2009 kl. 05:17]

Félagshyggjan eina hugmyndafræðin sem eftir stendur er auðvitað ekki rétt, en hún verður sterkari eftir þetta, og kannski með réttu. En hugmyndafræði lýðræðis er að vakna til lífsins á ný eftir langan dvala og á eftir að samtvinnast félagshyggjunni á nýjan og réttlátari hátt en hingað til.

Sú félagshyggja sem samfylkingin stendur fyrir á ekki samleið með þeirri lýðræðisbyltingu sem þjóðin á eftir að ganga í gegnum innan skamms tíma. Ég trúi því að sú löngun sem hefur vaknað hjá mörgum um gjörvallarbreytingar í lýðræðisátt eigi eftir að skapa samstöðu með þjóðinni allri. Og þá verður engin undanskilin sanngjarni meðferð sinna mála eftir þetta efnahagshrun sem er af völdum fárra manna að mestu og var í boði síðustu 2 ríkisstjórna. Samfylkingin ef eitthvað er ber eina mestu ábyrgðina því hún var kosin af fólki sem hélt að hún stæði vörð um hagsmuni almennings, ólíkt sjálfstæðisflokknum sem hefur ekki alveg þann gæðastimpil á sér, og gerir svik hennar þeim mun svíverðilegri.

Og það er rangt að fara út í aðgerðir til bjargar heimilunum eftir þetta hrun undir formerkjum aðstoðar og félagshyggju. Það var ráðist á okkar og við rænd og það er réttlæti sem við þurfum, ekki ölmusa og áróður um að nágrannar vinir og aðrir samferðamenn okkar verða látnir taka við þegar okkur þrýtur þrekið til að greiða af lánunum okkar með atvinnuleysisbótunum.

Og ef einhver heldur að svo kallaðir auðmenn hafi nokkurn tímann í söguni greitt skuldir sínar eins og almenningur gerir skal ég upplýsa um lítið leyndarmál sem ég hef fræðst um, þeir gera það ekki. Þó að allar skuldir heimsins yrðu færðar niður um 90% þá myndu auðmennirnir ekki greiða svo mikið sem 0,01% af því sem eftir stæði. Þannig er það bara og því engin hætta á að "rangur" hópur "njóti" sanngirnis og réttlætis. Lifið heil.

[Bjöggi (IP-tala skráð) 6.4.2009 kl. 12:54]

Tryggvi og Sigmundur stóðu sig vel í þættinum. Bentu Ólínu á að hún hefði ekki kynnt sér málið nógu vel, sem hún hálfpartinn viðurkenndi. Ólína fór þá í algjöra vörn og fór út í persónulegar árásir af því að önnur rök voru þrotin. Reyndar finnst mér þessi lágkúrulega framkoma Ólínu vera dæmigerð fyrir framkomu samfylkingar og VG fólks.

[Hafþór Skúlason (IP-tala skráð) 6.4.2009 kl. 21:35]

En spáið í þessu. ólínu fannst að sér vegið???  hvernig fannst henni það?  með því að ljúga eins og hún er í raun búin að viðurkenna.  með því að ráðast á sigmund án þess að hafa hugmynd um að kögun er l0ngu komið úr hans ætt?  kalla ólína þetta málefnalegt? já henni finnst það enda er hún í samfylkingunni :) samfylkingin má allt þar sem hún er heilaþveginn til þess arna