Húsnæðislánin hækka um hundruðir milljóna ...

Það eru ekki margar ljósatýrurnar sem lýsa í myrkviði efnahagsþrenginga þessa dagana. Fyrir sumum er áfengi brjóstbirta og enn sýnir hið opinbera fordæmi með hækkunum. Í ofanálag er verklagsreglum breytt og í stað þess að hækka um mánaðarmót breytir ÁTVR út af vananum og hækkar nokkrum dögum fyrr - enda vont ef einhver gæti notfært sér ástandið. Neysla áfengis kann að vera mönnum skammgóður vermir en víst er að timburmenn þessarar hækkunar munu vara um ókomin ár í hækkuðum húsnæðislánum.

Hækkun ÁTVR mun ein og sér hækka lánin á heimiliunum um hundruðir milljóna króna og samtals hefur hækkun á áfengi og tóbaki síðastliðinn mánuð hækkað lán heimilanna í landinu á annan milljarð króna - meira en þúsund milljónir króna, takk fyrir! Áfengi og tóbak eru um 3,0 % af neysluvísitölunni og 4,4 % hækkun þýðir um 0,132% hækkun vísitölunnar og svo geta menn reiknað að vild. 15 milljón króna lán hækkar um 20 þúsund í einni svipan og ef við ímyndum okkur að eftir séu 30 ár á láninu, þá hefur hækkun ÁTVR í dag hækkað greiðslur af höfuðstól lánsins um 7 milljónir króna.

Verðbreyting í vínbúðum

Athugasemdir

[Æsir (IP-tala skráð) 27.11.2008 kl. 10:32]

Takk fyrir þetta Góð skýring

Held að Ráðamenn vilji setja alla í þrot það sé þeirra vilji en ekki minn

mun Berjast á móti þessu

Kveðja

[Ólafur Als, 27.11.2008 kl. 10:51]

Reyndar tel ég ekki að hægt sé að klína þessari hækkun á ráðamenn, miklu fremur æðstu stjórn ÁTVR. Höfum við ekki sífellt gagnrýnt ráðamenn ef við höfum talið þá skipta sér af málum, sem ekki voru á þeirra könnu - hefur krafan ekki verið sú að yfirmenn stofnana og fyrirtækja ríkisins ættu að starfa í friði fyrir ráðamönnum?

Hér verður ekki bæði sleppt og haldið en eftir stendur að ígrip ráðamanna (stjórnvalda) þurfa að vera eftir lögformlegum hætti og þann hátt þekki ég ekki í þessu máli - getur ráðherra skipað ÁTVR fyrir í verðlagsmálum (?) - ef á annað borð er einhver áhugi fyrir því að halda aftur af hækkunum á áfengi og tóbaki - sýnist ekki í ljósi þess að flestir kyssa vönd heilsupostulanna sem öllu ráða í umræðu um áfengi og tóbak